SÜDERPOOT        von Peter Erdmann, 
                              Grossheide, Ostfriesland
Dat hebb ik arft, so word mi seggt:
Mit rechter Hand komm´k ne torecht.
Mi geiht dat good
mit Süderpoot.
Bratkartuffeln un schwart Brot -
sitt bi Vader ik up Schkoot -
ätt sück good
mit Süderpoot.
Mit blicken Gabel in d´rechter Hand
langt Vader in de Pannenkant.
Ik kann´t blot 
mit Süderpoot.
Een Fohr van links, een Fohr van rechts -
mit Stahnwagen äten weer nix Schlechts.
Dat gung good
mit Süderpoot.
Grootheider Stipp, Kartuffeln ruug - 
nu langt man to, elk kriggt genog.
Mundjet ok good
mit Süderpoot.
Biller malen - ik weer nüver -
Griffel quälen, Lei bleev süver,
kunn ik blot
mit Süderpoot.
De moiste Tied weer gau verflogen,
as Olln mi na d´Schkool henjogen.
Gung gar ne good
mit Süderpoot.
Meester sä, bruuk rechter Poot,
Krischan, Jung, denn schkriffst ok good.
Kweem nu in Not
mit Süderpoot.
Mit de Haan an beide Siet`
kumm rechts un links ik glieke wiet.
Wat is doch blot
an ´n Süderpoot.
Mien rechter Flunk - för mi keen Freid -
Much Meesters jogen over d´Heid,
denn harr´k keen Not
mit Süderpoot.
Mutt´k Nudelsopp mal middags äten
-mit rechter Hand - dat kannst vergäten.
Ik arm Bloot
mit Süderpoot !
De letzte Nudels in mien Teller
laat ik liggen, de sünd feller.
Fatt is to groot
för´d Süderpoot.
Ik bün bi d´Bund, mutt schketen lehrn.
De Spieß neiht ut, fangt meest an t´rärn;
denkt an sien´Dood ......
bi d´Süderpoot.
Kummt Spieß in d´Kammer, kriggt he Klör,
bün Stävelknecht bi d´Kommandeur.
Spieß sücht noch immer root . . . .
. . .  luurt na mien Süderpoot !
 (aus LHC-03 04-1998) 
zurück zu ARTIKEL                  noch'n Jedicht . . .